طرح مطرب الراب سيف اليوس أغنية جديدة بعنوان “اطمن” وهي للأب، ويتزامن طرحها مع الاحتفال بعيد الأم اليوم الإثنين، لما يقدمه للأسرة من دور كبير.
أغنية “اطمن” طرحها سيف عبر موقع الفيديوهات الشهير يوتيوب وهي من كلمات وألحان سيف اليوس، والفيديو كليب من إخراج يوسف نصار وتم تصويره في كندا، تسويق شركة “AG Digital agency” أحمد جابر.
ويقول سيف عن العمل في بيان له، وجدت أن اليوم مع الاحتفال بعيد الأم هو أنسب ميعاد لطرح أغنية عن الأب خاصة لمواساة كل ابن فقد والده، فالأب سند وظهر الأسرة ولابد من تقديره وإظهار الحب له كما نفعل مع الأم في عيدها، وربنا يحفظ لنا جميعا أهلنا.
وتقول كلمات أغنية “اطمن”:” مستحلي السجدة و بدعي و مش عاوز حتى أقوم
و أقوم إزاي أنا من غيرك ؟
مستني لحظة ما تغرق جوه دموعي الهموم
زي م أنا غرقان جوا خيرك
دائما كنت الصح و دايما كنت أنا الغلطان
مفتحش بؤي معاك يابا لو ترجع الأيام
بكتبلك حزني و سامع صوتك في قرائة القرآن
ثابت قدامهم و وحدك حاسس إن ابنك تعبان
مؤمن بس كان نفسي أجلك يتأخر و أحكيلك كل اللي خبيت
مؤمن بس الليلة حاسس شيطاني أشطر واحشني صوتك جوا البيت
آه يابا … باعت لك دعايا و دعوة ناس ليك معاها سابقة خير
آه يابا … فراقك جه بدري عارف هتكمل بس أكيد من غير
لمتنا … قعدتنا … خناقنا و صوتنا يعلى في البيت
لمتنا … قعدتنا … و صوت الطاولة آخر الليل
الوقت وقف من بعدك
من يومها و انا لابس ساعتك
لولا خوفي من اللي انت عنده كنت حفرت بإيدي و طلعتك
حاولت أبقى أبويا مع ابني … أبويا ملاك و أنا انسان
بحب أبكي تحت المطرة عشان ضامن دموعي مش هتبان
بالنسبة لأمي متخافش ، تحت رجليها و شامم الجنة
ليها أولوية تأمر و أنا أنفذ و اللي غيرها يستنى
وصيتني كتير و ليلاتي سامع صوتك بيرن في وداني
اللي خلف مماتش اطمن إخواتي بقيت حاسسهم ولادي
مؤمن بس كان نفسي أجلك يتأخر و أحكيلك كل اللي خبيت
مؤمن بس الليلة حاسس شيطاني أشطر واحشني صوتك جوا البيت
آه يابا … باعت لك دعايا و دعوة ناس ليك معاها سابقة خير
آه يابا … فراقك جه بدري عارف هتكمل بس أكيد من غير
لمتنا … قعدتنا … خناقنا و صوتنا يعلى في البيت
لمتنا … قعدتنا … و صوت الطاولة آخر الليل”.
سيف طرح مؤخرا أغنية بعنوان “اللي عشناه” على موقع الفيديوهات الشهير يوتيوب.
